Видео: Ногиры 2-æм скъолайы æххæст кæнынц проект Бокс в школы

Канал автора: IRYSTONTV, видео загружено 2025-10-17 в категорию Новости и СМИ, продолжительность 00:04:02. Смотрите видео из RuTube в высоком качестве. Ногиры дыккæгæм скъолайы боксæй ахуыртæ райдайынц рог разминкæйæ. Сабитæ фæлтæрджын тренеры разамындæй исынц æппæт хъæугæ зонындзинæдтæ. Ардæм ахуырдзаутæ цæуынц стыр тырнындзинадимæ. Бирæтæ ацы спорты хуызимæ зонгæ кæнынц лæвар ахуырты руаджы сабитæн амонынц хи бахъахъхъæныны техникæ. Фыццаг бакастæй афтæ зæгъæн ис æмæ бокс сывæллонæн тæсаг спорт у фæлæ тренертæ архайынц цæмæй ахуыртæ æдасæй æмæ цымыдисагæй цæуой. Наниты Ролан у профессионалон тренер боксæй. Ацы дæсныйадæн радта 20 азæй фылдæр. Ныр йæ фæлтæрдзинадæй хай кæны сабитæн. Сабитæ архайынц координацийы æмæ спортивон фæлтæрды райрæзтыл тренировкæтæ цæуынц сахаты бæрц. Афтæмæй æвзонг спортсментæ ахуыр кæныц дисциплинæ æмæ хъæддыхдзинадыл. Сæйрагдæр та у физикон цæттæдзинадмæ сæ сразæнгард кæнын тыхтæ æмæ фæразондзинад парахат кæнын. Ахуыртæм цæуынц 150 адæймаджы 1-æй 4-æм къласмæ. Стыр спорты къæпхæнтæм схизын цы куртиатджын сабиты бафæнда уыдонæн æнæмæнг баххуыс кæндзысты - бакæндзсыты цæ боксæй секцимæ. Ахæм хуызы спорт суыдзæн сывæллоны царды ахсджиаг хай уыимæ ма йын байгом кæндзæн ног фадæттæ. Проект Бокс в школы кусы сентябрæй æххæстгонд цæуы республикæйы сæргълæууæг Сергей Менялойы æххуысæй. Ацы хъæппæрис ахады сывæллæтты физикон рæзтыл æвæры сæ царды раст фæндагыл.,