Видео: Сæбанты Азæмæт сси программæ Культурæйы хъæууон кусæг-ы архайæг

Канал автора: IRYSTONTV, видео загружено 2026-04-24 в категорию Новости и СМИ, продолжительность 00:03:53. Смотрите видео из RuTube в высоком качестве. Сæбанты Азæмæт йæ ног куысты бынатмæ цæугæйæ дызæрдыг кодта сывæллæттимæ иумæйаг æвзаг куы нæ ссарон зæгъгæ. Фæлæ дзæгъæлы тыхст. Къуыри дыууæ хатты репетицитæм æхсызгонæй æрбацæуынц 60 кафæджы. Уал сывæллонæн гом кæны аивады дуне. Азæмæт аивæдты колледж каст фæцис 2019-æм азы. Дыууæ азы кафыд Хуссар Ирыстоны паддзахадон ансамбль Симд-ы. Программæ Культурæйы хъæууон кусæг-ы тыххæй куы базыдта уæд дзы сфæнд кодта бацархайын. Йæ курдиатимæ йын сразы сты. Æвзонг лæппу йæ уавæртæй разы у. Хорз æй æмбары хъæуы клуб иунæг сфæлдыстадон артдзæст кæй у уый. Æнæвгъауæй дæтты йæ зонындзинæдтæ сывæллæттæн. Æвзонг кафæг Плиты Аминæ ирон аивад æнæкæронæй уарзы. Сабийæ фæстæмæ йе стырдæр бæллиц уыд сценæмæ рахизын. Авд азы йæхиуыл æнæрынцойæ кусы. Йæ курдиатæн ын стыр аргъ скодта сæ къорды ног разамонæг дæр. Чызджы уый разæнгард кæны ног бæрзæндтæм схизынмæ. Фæрниаты Агуындæ у ирон филологийы факультеты студенткæ. Фæлæ алкæддæр рæстæг ссары йæ уарзондæр архайдæн. Зæрдæргъæвдæй æрбацæуы къордмæ репетицитæм. Уæлдайдæр ахæм ивддзинæдтимæ. Ныртæккæ цæттæ кæнынц кæсгон цæцæйнаг æмæ чызджыты кафт. Архайдзысты фестиваль Кафты бæрæгбон-ы. Чызджы уырны сæ ног разамонæгимæ æнæмæнг уыдзысты æнтыстджын. Фыййаджыбылы культурæйы хæдзары разамонæг Томайты Светланæйы зæрдæмæ цæуы Азæмæт фæсивæдимæ куыд архайы уый. Сывæллæттæ йæ бауарзтой репетицитæм цингæнгæйæ æрбацæуынц. Хъæуты культурæйы хæдзæрттæ арæхдæр сæмбæлынц аиуварсгæнинаг фарстаТИмæ. Афæдзæй фылдæр клубы кафджыты къордæн разамонæг нæ уыд. Ног программæйы уайтагъд бацархайдтой. Кæд сæрмагонд программæ нырма æрæджы фæзынд уæддæр ын стыр ахадындзинад ис. Æххуыс у дæрддзæф хъæуты аивады цæхæр бахъахъхъæнынæн æвзонг курдиæттæ ссарынæн. Азæмæт йæ размæ æвæры ног нысантæ æмæ нæ уырны йæ къухы кæй бафтдзысты æмæ сфæлдыстады куысты ног бæрзæндтæм кæй схиздзæн уый.,